E servicio extra aki ta en conexion cu e dianan druk den e temporada aki

ORANJESTAD – Servicio di Impuesto ta participa cu entrante 1 te cu dia 16 di februari proximo, e seccion di caha tanto na oficina principal na Camacuri como na e oficinanan di gobierno na San Nicolas, Savaneta, Santa Cruz y Paradera, lo no cera merdia y pues lo ta habri non-stop. Esaki en conexion cu e dianan druk di pago mensual di impuesto y pago di impuesto di vehiculo di motor 2010. Aki ta sigui un skema di e orario di caha.

E seccion “Servicio pa cliente” si lo ta habri durante e orario normal di oficina. Mescos ta conta pa e seccion unda ta busca e paketenan di loonbelasting, BBO etc. y e seccion unda ta entrega “verzamelloonstaat” y “verzamelstaat opgaaf derden” 2009.

Mirando cu dia 16 di februari proximo ta e ultimo dia pa paga impuesto di vehiculo di motor, loonbelasting, BBO etc., ta consehabel pa no warda te na ultimo pa haci pago. Warda te na ultimo ta nifica para den rij largo y e tempo di espera ta bira largo tambe.

GERENCIA DI SERVICIO DI IMPUESTO
29 di januari 2010