Ta importante pa duna cambio di adres y asina evita consecuencia indesea
 

ORANJESTAD – Den cuadro di optimalisacion di nan servicionan, recientemente Servicio di Impuesto y Oficina di Censo a yega na un acuerdo cu otro relaciona cu registracion di adres.
E acuerdo ta encera cu un persona cu registra su adres na Servicio di Impuesto, e ta duna autorisacion tambe pa Servicio di Impuesto pasa e adres nobo pa Oficina di Censo. Igualmente ta conta tambe pa Oficina di Censo.

Ta sumamente importante pa duna cambio di adres. Asina ta evita cu corespondencia importante no ta yega na e adres corecto, locual por tin consecuencia indesea.

GERENCIA DI SERVICIO DI IMPUESTO
31 di augustus 2010