Ta pidi pa probecha di e oportunidad y no warda te na ultimo

ORANJESTAD – Servicio di Impuesto ta recorda su clientenan cu diasabra tambe por haci pago di impuesto di vehiculo di motor 2012. Alabes ta posibel pa haci pago di otro tipo di impuesto.
E orario di caha lo ta non stop for di 8:00am te cu 2:00pm. Despues di haci pago e cliente por pasa busca su plachinan di number mesora durante e orario menciona.

Mester remarca cu e servicio extra aki no ta conta pa esnan cu ta desea di paga na e Oficinanan di gobierno den districto ya cu e oficinanan aki no ta habri diasabra.

Servicio di Impuesto ta spera di por yuda mas tanto cliente posibel den e dianan venidero.

GERENCIA DI SERVICIO DI IMPUESTO
27 di januari 2012