Huidige artikelen
maandag 4 januari 2010 - Entrante 1 di januari 2010 e tarifa di BBO ta bira 1.5%
E tarifa riba benta di producto pa exportacion ta keda 1%
ORANJESTAD – Servicio di Impuesto ta participa na tur cliente cu tin obligacion a base di e ley di Belasting op bedrijfsomzetten, miho conoci como “BBO”, cu dia 30 di december ultimo Parlamento di Aruba a aproba un cambio den e ley aki. E cambio ta encera cu e tarifa di 3% riba benta di producto y/of servicio ta bira 1.5% entrante 1 di januari 2010. Pa loke ta trata e tarifa di 1% valido riba benta di producto pa exportacion, esaki ta keda 1%.
Aki ta sigui un skema di e luna di december 2009 y januari 2010 pa ilustra e cambio y e fechanan riba cual mester haci declaracion y pago di BBO.
| Periodo |
Tarifa valido |
Ta entrega declaracion y ta haci pago |
| December 2009 |
3% |
Entre 1 y 15 di januari 2010 |
| Januari 2010 |
1,5% |
Entre 1 y 15 di februari 2010 |
| |
| E tarifa riba benta di producto pa exportacion ta keda 1%. |
Pues e siguiente pago y declaracion di BBO ta concerni e luna di december 2009 y esakinan mester sosode entre 1 di januari y 15 di januari 2010 segun e tarifa di 3%.
Pa e luna di januari 2010 e declaracion y pago segun e tarifa di 1.5% lo mester sosode entre 1 y 15 di februari 2010.
Servicio di Impuesto ta pidi tur cliente pa tene cuenta cu e cambio di tarifa menciona ora di haci declaracion y pago di BBO.
Por lo demas tur otro rekisito cu ta conta pa cu e declaracionnan y e pagonan di BBO ta keda valido.
GERENCIA DI SERVICIO DI IMPUESTO
4 di januari 2010